Një 35-vjeçar ka rënë në prangat e policisë së Lezhës, pasi dyshohet se ka shfrytëzuar një vajzë për prostitucion. Ka qenë pikërisht e ëma e kësaj fundit, e cila ka bërë kallëzim penal, duke çuar në prangosjen e 35-vjeçarit, Altin Marku. Raportohet se Marku ka kanosur nëpërmjet telefonit shtetasen H.N., ndërsa dyshohet se për qëllime përfitime i ka shfrytëzuar të bijën për prostitucion në Shqipëri dhe Itali. Tashmë Altin Marku, banues në Lezhë do të përballet me veprat penale “Kanosja”, “Përdorimi me keqdashje i thirrjeve telefonike” si dhe “ Shfrytëzimi i prostitucionit”.
Njoftimi i policisë
“Më datë 15.03.2017, nga Seksioni kunder trafiqeve të paligjshme u bë ndalimi me inisiativë i shtetasit Altin Marku, 35 vjeç, banues në Lezhë. Ka bërë kallëzim shtetasia H.N., banuese në Lezhë se ky shtetas e ka kanosur nëpërmjet telefonit si dhe dyshohet se për qëllime përfitimi për prostitucion ka shfrytëzuar në Shqipëri dhe Itali të bijën e saj.
Materialet procedurale u referuan Prokurorisë së Rrethit Gjyqësor Lezhë për veprat penale “Kanosja” “Përdorimi me keqdashje i thirrjeve telefonike”, “Shfrytëzimi i prostitucionit” parashikuar nga nenet 84, 275 dhe 114 të Kodit Penal”.
